насловен доц. м-р Росица Мршиќ
Факултет за дизајн и мултимедија
Функција:
Дизајн и Мултимедија
Образование:
Предмети:
Росица Мршиќ е македонски моден дизајнер, креативен директор и универзитетски професор со повеќе од две децении професионално искуство во современиот моден дизајн, академската настава и развојот на креативни производи. Дипломира моден дизајн на Hogeschool voor de Kunsten Utrecht во Холандија, а своето образование го надополнува на School of the Art Institute of Chicago (SAIC), САД. Магистрира визуелни уметности на University American College Skopje, со магистерско истражување посветено на креативниот процес во модниот дизајн.
Во 2008 година го основа својот авторски бренд ROSICA MRSIK, преку кој развива препознатлив дизајнерски израз заснован на истражување, архитектонска конструкција, прецизно моделирање и современ однос кон текстилот и формата. Во повеќе од петнаесет години авторска практика реализирала над 35 сезонски колекции, претставени на модни недели, изложби, меѓународни шоуруми и професионални платформи. Нејзината работа е презентирана на меѓународни модни и дизајнерски платформи во Европа, САД и Блискиот Исток.
Паралелно со авторската практика, реализирала бројни проекти во соработка со меѓународни и домашни компании и институции, во области што опфаќаат корпоративен моден дизајн, униформи, модни додатоци, обувки, текстил и костимографија. Нејзиното професионално искуство опфаќа соработки и ангажмани во повеќе земји, меѓу кои Франција, Холандија, Италија, Австрија, Швајцарија, Германија, Бугарија, Романија, Србија, Обединетите Арапски Емирати, Обединетото Кралство и САД.
Во академската дејност е активна повеќе од петнаесет години, со наставен фокус на моден дизајн, мулаж, моделирање, конструкција и технологија на облека. Од 2024 година е професор по моден дизајн на Факултетот за дизајн и мултимедија при Американскиот универзитет на Европа – ФОН. Претходно предавала на Accademia Italiana во Скопје и како визитинг професор на Accademia Italiana во Бангкок, Тајланд. Во текот на својата академска кариера била ангажирана и како предавач во повеќе едукативни програми од неформалното образование во областа на модниот дизајн.
За својата професионална работа е добитник на повеќе меѓународни признанија, меѓу кои BIG SEE Fashion Design Award – Wearable Art, Ljubljana, Best Dress of the 21st Century – Moda Aesthetics Amsterdam, EIRENE Fashion Awards и Best Fashion Collection – Fashion Weekend Skopje.
Росица Мршиќ е професор по моден дизајн на Факултетот за дизајн и мултимедија при АУЕ–ФОН.