На студии од прв циклус може да се запише секој кандидат кој има завршено четиригодишно средно образование во Република Северна Македонија или во странство и има положено државна или меѓународна матура, согласно важечките законски прописи.

Право на упис имаат и кандидати кои претходно студирале или сè уште студираат на друга акредитирана високообразовна установа, како и дипломирани лица кои сакаат да продолжат со дополнителни студии.

Странските државјани исто така имаат право на упис, согласно законските одредби и правилниците на Универзитетот. За кандидатите кои средното образование го завршиле во странство, потребно е дипломата да биде признаена преку соодветна постапка во Министерството за образование и наука.

За упис на прв циклус студии потребно е да се достави следната документација:

Кандидатите кои средното образование го завршиле во странство, претходно треба да спроведат постапка за признавање на дипломата во Министерството за образование и наука на Република Северна Македонија.

Распоредот за предавања за новата академска година се објавува најдоцна една недела пред почетокот на семестарот.

Распоредот е достапен на официјалната веб-страница на Универзитетот, во делот за распореди.

За точниот термин на објавување на распоредот за конкретната година и наставна група, студентите треба редовно да ги следат објавите на Универзитетот или да ја контактираат Студентската служба.

Да. Практичната работа е задолжителен дел од студиската програма за секоја година од студиите.

Студентот треба да достави потпишана упатница за практична работа и потврда за успешно реализирана пракса во времетраење од еден месец.

Практичната работа се реализира согласно студиската програма и планот утврден од соодветниот факултет.

За дополнителни информации во врска со изборот на организација, условите и постапката, студентите треба да се обратат во Студентската служба.

Студентот кој е запишан како редовен студент може да поднесе писмено барање за промена на статусот во вонреден студент до Студентската служба.

Во барањето потребно е да се наведе причината за промената и да се приложи соодветен доказ. На пример, доколку причината е вработување, потребна е потврда од работодавачот. Доколку причината е здравствена состојба, потребна е соодветна медицинска документација.

Постапката се спроведува согласно правилниците и одлуките на Универзитетот, а барањето се разгледува во соодветниот рок.

Потврда за студентски статус може да се побара преку Студентската служба.

За поднесување на барањето потребно е да се достави бројот на индекс и да се наведе видот на потврдата која ви е потребна.

Рокот за издавање зависи од видот на потврдата и обично изнесува од еден до три работни дена.

Да. Студентите можат да побараат различни дополнителни документи, како уверенија, потврди, список на положени испити, листи со оценки и други административни документи.

За поднесување барање потребно е да се обратите во Студентската служба, со вашиот број на индекс, и да го пополните соодветниот образец.

Рокот за издавање најчесто изнесува од три до пет работни дена, зависно од видот и сложеноста на барањето.

Потврда за здравствено осигурување за редовен студент се издава преку Студентската служба на ФОН Универзитет.

Надоместокот за издавање на потврдата изнесува 200 денари.

Барањето може да се поднесе лично во Студентската служба во текот на работното време, со приложување на бројот на индекс.

Потврдата обично се издава во рок од три до пет работни дена од приемот на барањето.

Положените испити, оценките и освоените поени можете да ги проверите преку Студентскиот портал:

https://student.fon.edu.mk/Home/Default

По најавувањето со вашето корисничко име и лозинка, во главното мени изберете „Испит/Колоквиум" или „Положени испити".

Таму се прикажани предметите, датумите на полагање, оценките и освоените поени.

Доколку не можете да пристапите до порталот или резултатите не се прикажуваат, обратете се до ИТ поддршката.

Пријавувањето на испит или колоквиум е задолжително и треба да се изврши во рокот определен од Универзитетот.

Пријавувањето се прави преку Студентскиот портал. По најавувањето, во делот „Предмети" → „Испити/Колоквиуми" изберете „Пријави испит/колоквиум", потоа изберете го предметот и потврдете ја пријавата.

Студентите треба навремено да ги следат објавените рокови за пријавување.

Доколку предметот не се појавува во Студентскиот портал, причината може да биде поврзана со административното активирање на предметот, статусот на запишување или исполнувањето на условите за слушање на предметот.

Предметот исто така може да има предуслови кои треба претходно да бидат исполнети.

За проверка на конкретниот случај, обратете се во Студентската служба или до ИТ поддршката на support@fon.edu.mk.

Доколку сте го заборавиле корисничкото име за Студентскиот портал или друг систем на Универзитетот, испратете е-пошта на support@fon.edu.mk.

Во пораката наведете го вашето име и презиме и бројот на индекс за полесна идентификација.

ИТ поддршката ќе ви ги достави потребните информации во најкраток можен рок.

Прво проверете дали правилно ги внесувате корисничкото име и лозинката.

Проверете дали е вклучен Caps Lock и дали ги внесувате големите и малите букви точно.

Доколку податоците се точни, обидете се да го исчистите кешот на интернет-прелистувачот или да се најавите преку друг прелистувач.

Доколку проблемот продолжи, испратете порака на support@fon.edu.mk и приложете скриншот од грешката, доколку имате можност.

За промена на лозинката, најавете се во системот за студентска е-пошта со вашата тековна лозинка.

Потоа, во делот „Settings" или „Безбедност", изберете ја опцијата за промена на лозинката и следете ги прикажаните чекори.

При креирање нова лозинка, користите комбинација од големи и мали букви и бројки, со најмалку осум знаци.

Доколку имате проблем при промена на лозинката, обратете се до ИТ поддршката.

Microsoft Teams можете да го користите преку веб-прелистувач, десктоп апликација или мобилна апликација.

Отворете: https://teams.microsoft.com

и најавете се со вашиот студентски е-поштенски акаунт и лозинка.

По успешното најавување, ќе ги видите тимовите и каналите поврзани со предметите на кои сте запишани.

Прво проверете дали сте најавени со вашиот студентски акаунт.

Проверете ја интернет-конекцијата и дали Microsoft Teams има дозвола за користење на микрофонот и камерата.

Обидете се да пристапите преку линкот објавен во Студентскиот портал или преку друг интернет-прелистувач.

Доколку проблемот продолжи, рестартирајте ја апликацијата и обидете се повторно.

За дополнителна помош, контактирајте ја ИТ поддршката на support@fon.edu.mk.

За техничка поддршка, испратете е-пошта на: support@fon.edu.mk

Во пораката наведете: