КОНКУРС
Врз основа на член 108 од Законот за високото образование (Службен весни на РМ бр. 35/08 со измените) Ректорската управа на Првиот приватен универзитет – ФОН, распишува:
К О Н К У Р С
ЗА ТРАНСФЕР И УПИС НА СТУДЕНТИ НА ФАКУЛТЕТИТЕ ВО СОСТАВ НА ФОН УНИВЕРЗИТЕТОТ
ЗА АКАДЕМСКАТА 2011/2012 ГОДИНА
Трансфер и упис на прв и на втор циклус на студии се врши на следните факултети во состав на ФОН Универзитетот:
Факултет за економски науки
Факултет за правни науки
Факултет политички науки, дипломатија и новинарство
Факултет за детективи и безбедност
Факултет за применети странски јазици
Факултет за дизајн и мултимедија
Факултет за информациско-комуникациски технологии
Факултет за спортски менаџмент
- Право на трнасфер од една на друга студиска програма во рамки на Универзитетот (интерен трансфер) имаат студентите кои се запишани на еден од факултетите во состав на ФОН Универзитетот
- Право на трансфер на студиите од други високообразовани институции од Република Македонија и од странство, на факултетите во состав на ФОН Универзитетот, имаат сите студенти кои запишале најмалку една академска година или дипломирале на високообразовната инстутуција од која доаѓаат.
- Трансферот се врши во иста или сродна студиска програма во согласност со одредбите од Правилникот за единствениот кредит систем и преминот од една на друга студиска програма, односно од една на друга високообразовна установа.
Трансферот се врши врз основа на сродноста на положените испити и студиските програми од предходното образование.
Трансфер и упис на студентите ќе се врши заклучно со 15 февруари 2012 година.
Потребни документи за аплицирање за трансфер и упис:
- Исписница од високообразовната институција од која се врши трансферот;
- Уверение за положени испити;
- Оригинални сведителства од сите години и завршна диплома од средно образование;
- Извод од матичната книга на родените;
- Уверение за државјанство.