Проф. д-р Ирена Ашталкоска во Советот на Европа во Париз

Проф. д-р Ирена Ашталкоска во Советот на Европа, во канцеларијата во Париз, во периодот од 03.07-05.07.2025 година учествуваше како дел од работна група за унапредување на процесот на менаџирање со студентскиот развој и студентската инволвираност во образовниот процес.  

Работната група на Советот на Европа, покрај проф. д-р Ирена Ашталкоска од Факултетот за економски науки, при АУЕ-ФОН е составена и од претставници на Европската Универзитетска Асоцијација, претставници на министерства за образование, претставници на Европската студентска унија, Европската асоцијација за применети науки во високото образование, како и други претставници на релевантни меѓународни организации и тела.  

Целта на оваа работна група е да придонесе секој студент да има пристап до квалитетно образование, да се зголеми вклученоста и одговорноста на студентите во академската заедница и да создаде рамка за подобро управување со промените во општеството во оваа сфера.