АУЕ-ФОН и Bertone Design Group со нова стратешка соработка за студиска програма по индустриски дизајн

Директорката на АУЕ-ФОН Сезен Цаноска и извршниот директор на Bertone Design Group Алдо Чинголани ја официјализираа својата стратешка соработка денес во Милано.
Како дел од ова партнерство, во наредниот период на Факултетот за дизајн и мултимедија  се отвора реална можност за  нова студиска програма „Индустриски дизајн“ со силен фокус на практични вештини, уметност и технологија.
Со богатото наследство на Bertone во италијанската ракотворна извонредност и искуство со светски брендови како Gucci, Louis Vuitton, Armani, Moncler и други, оваа соработка отвора нови можности за студентите на АУЕ-ФОН да се вклучат во реални проекти и глобални дизајн практики.
Оваа стратешка иницијатива претставува значаен чекор кон интернационализација на образованието и поттик за развој на креативните индустрии во регионот.