Практична настава по топографија и тактика во природни (летни) услови – Струга

Во периодот од 09 до 13 јуни 2025 година, во реонот помеѓу Калишта и Радожда -Струга, студентите од Факултетот за детективи и безбедност успешно ја реализираа практичната настава по летно логорување (ТТПУЛ), задолжителна компонента од нивната стручна обука. 
Наставата ја проследија 16 студенти, во одлични временски услови и со целосна логистичка поддршка. Активностите започнуваа во 7:30 и траеја до 19:30 часот секој ден.
Целта на логорувањето: оспособување на студентите за користење на топографијата во природна средина, совладување на карпест терен, снаоѓање на отворен простор и стекнување основни вештини за преживување. 
Активностите во програмата вклучуваа: базирање и поставување на логор, техники за преживување, демонстрација на неопходна опрема за движење низ непознат терен, совладување на карпест терен (јазење), како и вежби во базен со фокус на спасување и ослободување од давеник и усовршување на пливачката техника. Студентите присуствуваа и на предавање од претставник на Црвениот крст (Парамедик) за прва помош.
 Преку оваа обука, студентите добија реална перспектива за работење во теренски услови и го продлабочија практичното знаење предвидени во согласност со студиските програми.