Учество на обука за евалуатори на ГРЕКО во Стразбург од страна на Факултетот за правни и политички науки при АУЕ-ФОН

Проф. д-р Татијана Ашталкоска-Балоска, како дел од македонскиот тим на евалуатори за шестиот круг на евалуација на државите членки на ГРЕКО при Советот на Европа, активно учествуваше на првата обука за евалуатори која се одржа на 20-21 март 2025 година во Стразбург. 

Темата на обуката беше "Спречување на корупција и промоција на интегритет на под-национално ниво". Настанот претставува важен чекор во процесот на евалуација на напредокот на земјите-членки во справувањето со корупцијата и зголемување на интегритетот на локалните и регионалните институции. Учеството на оваа обука е дел од активностите на Факултетот за правни и политички науки при АУЕ-ФОН во насока на промоција на стручноста и влијанието на македонските академски кадри во меѓународните процеси на евалуација и спречување на корупцијата.