Важноста на медиумската писменост во дигиталната ера

Во рамките на серијата гостински предавања на Факултетот за економски науки при АУЕ-ФОН, денешен гостин предавач беше вонреден професор д-р Јасмина Миронски.
Медиумската писменост е важен аспект во дигиталната ера во која живееме. 

Таа се смета за „азбука на 21-виот век“ и е неопходно да имаме свест за нејзиното познавање. Медиумската писменост се појави како одговор на сложеното медиумско опкружување, овозможено од развојот на информатиката и технологијата, што доведе до појава на нови видови социјални медиуми и мрежи.

Денешното предавање им овозможи на студентите да ги препознаваат и разликуваат медиумските содржини, како и да ги читаат и толкуваат пораките на правилен начин.Таа поттикнува развој на критичко мислење кај студентите за медиумските пораки, слики, видеа и сите видови содржини.
Стекнатите знаења им помагаат на студентите да ги препознаат и дефинираат различните видови „заведувања“ на јавноста, како што се: лажни вести, дезинформации, мисинформации, манипулации, малинформации, спинови, пристрасно информирање, теории на заговор, цензура, сатира, псеудо-наука и кликбејтови, наслови кои содржат зборови како „шокантно“, „сензационалистичко“, „ексклузивно“.