Студентите од III-та година на наставната програма Финансии на Факултетот за економски науки и студентите од правни студии на Факултетот за правни и политички науки при Американскиот Универзитет на Европа- ФОН од Скопје, под менторство на проф. д-р Зорица Силјановска, на 24-ти март, 2025 година ја посетија Комисијата за хартии од вредност на Република Северна Македонија.

Низ проактивна едукативна презентација, претставниците од Секторот за супервизија на пазарот на капитал и Секторот за истражување и развој на пазарот на капитал и меѓународна соработка, пред студентите се осврнаа на надлежностите и на јавните овластувања на Комисијата како регулатор на пазарот на хартии од вредност, со посебен акцент на функционирањето на пазарот на капитал и тргувањето со хартии од вредност. Интересот на студентите беше значителен, па Стручната служба одговараше и на нивните прашања.

Комисијата ќе продолжи со едукативни посети за студенти од факултетите низ земјава, со што и во иднина ќе придонесува за практично образование на младите, а со тоа и за нивно запознавање со пазарот на хартии од вредност.